जब तँपाई अवतारहरुको जीवनलाई अध्ययन गर्नुहुन्छ, तँपाई यो स्पष्ट देख्नुहुन्छ कि यि अवतारहरु झट्ट हेर्दा साधारण मानिस झै प्रतित भएपनि आन्तरीक रुपमा यी अवतारहरु असाधारण रुपमा शक्तिशाली, असम्भव झैँ प्रतित हुने अनेकन् कर्महरु गर्न समर्थवान् र अनेकन् सिद्धिहरुले युक्त आदि हुन्छन् । यि अवतारहरुले स्वयंको जीवनकालमा विभिन्न अवसरहरुमा (वा जब आवश्यकता पर्दछ), यि असम्भव झैँ कार्यहरु वा सिद्धिहरु गरेर देखाएका पनि छन् । उदाहरणको लागि – भगवान शिवले समुद्र मन्थनबाट निस्किएको विषलाई पिउनुभएको, देवताहरुलाई दुःख कष्ट दिने अत्यन्त शक्तीशाली दैत्य वा राक्षसहरुलाई वध गर्नुभएको कथाहरु शास्त्रहरुमा उल्लेख गरीएका छन् ।
भगवान जिसस् क्राइष्टले पानीलाई रक्सीमा परिणत गरिदिन् भएको, अनेक प्रकारका अन्धा, बहिरा, दीर्घरोगीहरुलाई स्पर्शद्वारा नै निको पारिदिनुभएको, पानीमा हिँड्नुभएको, समुद्रको आँधीलाई रोकिदिनुभएको, मृत मानिसलाई व्यूँताइदिनुभएको, केहि रोटी र केहि माछाबाट हजारौँ मानिस तृप्त गरिदिनुभएको आदि अनेकौँ शक्ति, सामथ्र्य र सिद्धिका उदाहरणहरु बाइबलमा उल्लेख गरिएका छन् ।
भगवान कृष्णले सात वर्षको उमेरमा सात दिनसम्म पहाडलाई औँलामा उठाएर राख्ननुभएको, अत्यन्त बलवान दैत्यहरुलाई सहज रुपमा बध गरिनिुभएको, एक रुपबाट बहुरुप वा सोह्र हजार एक सय आठ रुपहरु सृजना गरी प्रत्येक गोपिनीसँग उपस्थित हुनुभएको, मूखभित्र ब्रम्हाण्डको दर्शन गराइदिनु भएका आदि जसता असाधारण कर्म र सिद्धिका उदाहरणहरु पौराणिक कथाहरुमा व्याख्या गरीएका छन् । गीतामा पनि भगवान कृष्णले अर्जुनलाई दिव्य चक्षु प्रदान गर्नुभएको, विश्वरुपको दर्शन दिनुभएको, विश्वरुपबाट रुप चतुर्भुज रुपमा रुप परिवर्तन गर्नुभएको उदाहरणहरु स्पष्ट रुपमा देख्न सकिन्छ ।
भगवान बुद्धले विशाल सर्प र राक्षसहरुलाई सहजै वशमा ल्याउनुभएको, पानीको माझमा सुक्खा जमीनमा हिँड्न सक्ने पानीमा हिँड्नुभएको, एक रुपबाट बहुरुप अनि बहुरुपबाट एक रुपमा परिणत हुनुभएको, पलेटी मारेर आकाशमा उड्नुभएको, देवलोक–ब्रम्हलोक भ्रमण गर्न भएको आदि सामथ्र्यहरु, सिद्धिहरु वा कथाहरु बुद्ध त्रिपिटकमा उल्लेख छ ।
भगवान रामले श्रापका कारण ढुङ्गारुप प्राप्त गरेकि अहिल्यालाई छोइदिने वित्तिकै श्राप नष्ट भई पूर्व मानिस रुप प्राप्त भएको, भारतबाट श्रीलंका विचका विशाल महासागरमा साधारण ढुङ्गाबाट पूल निर्माण गरेको आदि कथाहरु पनि उल्लेख छन् ।
माथिका उदाहरणहरुबाट यो स्पष्ट देखिन्छ कि, अवतारहरुले के गर्न सक्दछन् ? अवतारहरु कुन कुन शक्ती, सामर्थ र सिद्धिहरुले युक्त हुन्छन् ? आदि प्रश्नहरुको कुनै निश्चीत उत्तर नै दिन असम्भव छ । मात्र भन्न सकिन्छ कि अवतारहरु असिमित, असाधारण र अलौकिक शक्ति, सामर्थ र सिद्धिहरुले युक्त हुन्छन् ।
जब अवतारहरुको असाधारण शक्ती, सामर्थ र सिद्धिको प्रसंङ्ग उठ्दछ यो तथ्य स्पष्ट देखिन्छ कि अवतारहरुले स्वयंमा छिपेको असाधारण शक्ती, सामर्थ, सिद्धि आदिलाई ‘प्रदर्शन’ गर्न कहिल्यै पनि कुनै असाधारण कर्म गर्दैनन् । यि अवतारहरुले यी अवस्थाहरुमा मात्र स्वयंको असाधारण शक्ती, सामर्थ, सिद्धि आदिलाई प्रयोग गर्दछन्, जब धर्मको रक्षा र प्रर्वधनको लागि यो अत्यन्त आवश्यक पर्दछ ।