भगवान् कृषणको मत अनुसार तत्व नै यो सम्पूर्ण जगतको उत्पतिको कारण हो । (७–६१) छैन । यो सृष्टि (पृथ्वी, ताराहरु, ग्रहहरु, नक्षत्रहरु, लोकहरु सहित ब्रम्हाण्डमा उपस्थित सम्पूर्ण वस्तुहरु) परमात्मा तत्वको कारण नै उत्पन्न भएका हुन् । यसरी सम्पूर्ण सृष्टि नै परमात्मा तत्वद्वारा भएकाले ईश्वर तत्व कहाँ उपस्थित छ ? यो परमात्मा तत्व कहाँ सम्म विस्तारित छ ? आदि प्रश्न नै अप्रासांगीक हुन पुग्दछन् । मात्र भन्न सकिन्छ कि जहाँसम्म सृष्टि उपस्थित छ त्यो क्षेत्रसम्म परमात्मा तत्व उपस्थित छ । यो सत्यको व्याख्या गर्दै भगवान भन्नुहुन्छः
एतद्योनीनि भूतानि सर्वाणीत्युपधारय ।
अहं कृत्स्नस्य जगतः प्रभवः प्रलयस्तथा ।।७–६।।
यसरी बुझ कि सम्पूर्ण प्राणीहरु यि दुई (परा, अपरा) प्रकृतिबाट उत्पन्न हुन्छन् । म सम्पूर्ण जगतको उत्पति र प्रलय हुँ । वा म सम्पूर्ण जगतको मूल कारण हुँ ।
मत्तः परतरं नान्यत्किञ्चिदस्ति धनञ्जय ।
मयि सर्वमिदं प्रोतं सूत्रे मणिगणा इव ।।७–७।।
हे धनन्जय ! म बाहेक (यो जगतको) अर्को कुनै दोस्रो कारण किञ्चीत मात्र पनि छैन । यो सम्पूर्ण जगत मालामा धागोले उनिएका मणिहरु झैँ ममा नै उनिएका छन् ।
मया ततमिदं सर्वं जगदव्यक्तमूर्तिना ।
मत्स्थानि सर्वभूतानि न चाहं तेष्ववस्थितः ।।९–४।।
मेरो अव्यक्त (निराकार) स्वरुपले यो जगत व्याप्त छ । सम्पूर्ण भूत वा प्राणी ममा स्थित छन् । तर म तिनमा स्थित छैन ।