यो सृष्टीमा उपस्थित जति पनि पृथ्वी, ताराहरु, ग्रहहरु, नक्षत्रहरु आदि छन् । यि पृथ्वी, ताराहरु, ग्रहहरु, नक्षत्रहरु आदि उपग्रह भित्र नदी, पर्वत, वायू, पानि आदि जे जति वस्तुहरु उपस्थित छन्, ब्रम्हाण्डमा उपस्थित यि सम्पूर्ण वस्तुहरुको कण–कण वा सृष्टिको कण कणमा परमात्मा तत्व उपस्थित छ । यो परमात्मा तत्व ब्रम्हाण्डका सम्पूर्ण वस्तुहरुको भित्र बाहिर वा सर्वत्र उपस्थित छ । यो परमात्मा तत्व अनुपस्थित कुनै विन्दु यो सृष्टिमा उपस्थित हुन नै असम्भव छ । यो ब्रम्हाण्ड र यो ब्रम्हाण्डका सम्पूर्ण वस्तुहरु श्लोक ७–७ मा व्याख्या गरिए झैँ माला झैँ परमात्मा तत्व भित्र जोडीएर रहेको मात्र छन् । फेरि परमात्मा तत्वको उपस्थिति ब्रम्हाण्डका वस्तुहरुमा मात्र सिमित छैन । यो परमात्मा तत्व यि व्रम्हाण्डका समपूर्ण वस्तुहरुको मूल तत्व (जलको रस, सूर्यको प्रकाश, अग्नीको तेज) आदि रुपमा पनि उपस्थित छ । यो सत्यको व्याख्या गर्दै भगवान भन्नुहुन्छः
रसोऽहमप्सु कौन्तेय प्रभास्मि शशिसूर्ययोः ।
प्रणवः सर्ववेदेषु शब्दः खे पौरुषं नृषु ।।७–८।।
हे अर्जुन ! म जलमा रस हुँ । चन्द्रमा र सूर्यमा प्रकाश हुँ । सम्पूर्ण वेदहरुमा ओमकार हुँ । आकाशमा शव्द हुँ । पुरुषमा पुरुषार्थ हुँ ।
पुण्यो गन्धः पृथिव्यां च तेजश्चास्मि विभावसौ ।
जीवनं सर्वभूतेषु तपश्चास्मि तपस्विषु ।।७–९।।
पृथ्वीमा पवित्र गन्ध हुँ । अग्नीमा तेज हुँ । तथा सम्पूर्ण भूतमा तिनको जीवन (तत्व) हुँ । तपसीहरुमा तप हुँ ।
आदित्यानामहं विष्णुर्ज्योतिषां रविरंशुमान् ।
मरीचिर्मरुतामस्मि नक्षत्राणामहं शशी ।।१०–२१।।
म अद्वितिका बाह्र छोराहरुमा विष्णु हुँ । ज्योतिहरुमा सूर्य किरण हुँ । म मरुह (उनपचास वायु देवता समुह) को तेज हुँ । नक्षत्रहरुमा अधिपति चन्द्रमा हुँ ।
आदि ।